ЕАЭО-ға мүше елдердің ауыл шаруашылығы министрлері алғаш рет АӨК-нің өзекті мәселелерін талқылауға жиналды

Бүгiн 6 қазанда ҚР Премьер-Министрiнiң орынбасары — ауыл шаруашылығы министрi Асқар Мырзахметов, Елбасының тапсырмасына сәйкес Еуразиялық экономикалық одаққа мүше елдердiң ауыл шаруашылығы министрлерiнiң Еуразиялық экономикалық одақтың агроөнеркәсiп саясаты кеңесiн құру туралы жиынына қатысты.

Мұндай форматтағы кездесу алғаш рет өткiзiлуде. Iс-шарада талқыланған мәселелердiң Еуразиялық экономикалық одаққа мүше елдердiң арасындағы қарым-қатынасты одан әрi нығайтуға, бiрiншi кезекте ауыл шаруашылығы экспортын дамытуда маңызы зор.

Кездесу барысында сала басшыларының айтқан пiкiрлерi ескерiлетiн болады. Ауыл шаруашылығы саласын жаңа деңгейге көтеруде құрылған кеңестiң орны ерекше болатынына тараптар сенiм бiлдiрдi.

Сондай-ақ, кездесу барысында Еуразиялық экономикалық одақтың агроөнеркәсiп саясатын жүзеге асыру, Агроөнеркәсiп кешенiн дамытудың 2017-2021 жылдарға арналған мемлекеттiк бағдарламасы, экспорттың әлеуетi, тұқым шаруашылығы, ветеринарлық-санитарлық бақылау, Еуразиялық экономикалық одақта ветеринарлық дәрi-дәрмектердi тiркеу мәселелерi сөз болды.

Кездесу соңында Еуразиялық экономикалық одаққа мүше елдердiң ауыл шаруашылығы министрлерi Еуразиялық экономикалық одақ әрiптестерi «Еуразиялық экономикалық комиссия өкiмiнiң жобасы «Жоғарғы Еуразиялық экономикалық кеңесi шешiмiнiң жобасы «Еуразиялық экономикалық одақтың агроөнеркәсiп саясаты кеңесi туралы» хаттамаларға қол қойды.

Сілтеме

Құрылған күні: 06.10.2017
Қаралым саны: 1521

Қаз Рус Eng